Müəllif: Tamara Mustafayeva, Banco.az
“Microsoft”un karbon emissiyaları 25 faiz artıb.
Banco.az xəbər verir ki, “Microsoft” süni intellekt məlumat mərkəzlərinə yönəltdiyi investisiyaların təsiri ilə 2025-ci ildə karbon emissiyalarının 25 faiz artdığını açıqlayıb.
Beləliklə, şirkət emissiyaların azaldılması üzrə hədəflərində geriləmə yaşadığını bildirən texnologiya şirkətlərinin sırasına qoşulub.
“Microsoft”un cümə axşamı dərc etdiyi illik dayanıqlılıq hesabatına əsasən, şirkətin karbon emissiyaları 2025-ci ildə 20 milyon metrik ton karbon qazı ekvivalentinə çatıb. Bu göstərici əvvəlki ildə qeydə alınan 16 milyon metrik ton səviyyəsini üstələyib. Şirkət artımın yeni məlumat mərkəzlərinə yatırımlar və daha əvvəl elan etdiyi bəzi bərpa olunan enerji kreditlərinin alınmasının müvəqqəti dayandırılması ilə əlaqədar olduğunu bildirib.
“Microsoft”un prezidenti Bred Smit və Dayanıqlılıq üzrə rəhbər Melani Nakaqava hesabatda qeyd ediblər: “Süni intellekt infrastrukturu enerji, su, torpaq və materiallara tələbatı artırdığı halda, dayanıqlılıq həlləri bu tələbatı qarşılayacaq sürətlə genişlənə bilmir. Bu ziddiyyət realdır və eyni zamanda inkişafı təşviq edir.”
Bizi sosial şəbəkələrdən izləyin!!
