Müəllif: Tamara Mustafayeva, Banco.az
Meloni Aİ-yə inflyasiya səbəbilə büdcə qaydalarında çeviklik çağırışı edib.
Banco.az xəbər verir ki, İtaliyanın Baş naziri Corca Meloni qlobal enerji qiymətlərinin yüksəlməsinin inflyasiyaya təsiri səbəbilə Avropa İttifaqından (Aİ) büdcə qaydalarında daha çox çeviklik tələb etdiklərini bildirib. O, bu tələbin əsassız olmadığını və ölkələrin büdcələrindən əlavə olaraq milyardlarla avro xərcləmək məcburiyyətində qalacağını deyib.
Aİ-nin cənubundakı 9 ölkənin daxil olduğu “MED9” qrupunun Xorvatiyanın Split şəhərində keçirilən sammitində iştirak edən Meloni mətbuat konfransında açıqlamalar verib.
İtaliyanın inflyasiya səbəbilə Aİ-dən daha çox büdcə çevikliyi tələb etməsi ilə bağlı sualı cavablandıran Meloni deyib:
“Biz istədiyimiz üçün limitsiz xərcləmə tələb etmirik. Lakin heç bir qərar qəbul etməməyimizə baxmayaraq büdcələrimizdə milyardlarla avro məbləğində əlavə xərclər yaranacağını nəzərə almaq lazımdır. Hesab edirik ki, bu məsələ icazə verilən xərclərin artımı üçün müəyyən edilmiş hədlər çərçivəsində obyektiv şəkildə qiymətləndirilməlidir.”
Bizi sosial şəbəkələrdən izləyin!!
