Müəllif: Tamara Mustafayeva, Banco.az
"Fitch" Reytinq Agentliyi qlobal iqtisadi proqnozuna dair baxışını mənfi istiqamətə yeniləyib.
Banco.az xəbər verir ki, agentliyin açıqlamasında bildirilib: “Qlobal ticarət müharibəsinin dərinləşməsi, gömrük rüsumlarının necə sona çatacağına dair qeyri-müəyyənlik və bunun qlobal ticarət həcmləri, təchizat zəncirləri, investisiyalar və beynəlxalq münasibətlər üzərindəki təsiri qlobal iqtisadiyyat üçün mühüm mənfi şok yaradır. Qiymətlər və iqtisadi fəaliyyət üzərindəki təsirin miqyası və vaxtına dair qeyri-müəyyənlik, ABŞ Mərkəzi Bankının faiz siyasəti istiqaməti və maliyyələşmə şəraitindəki dəyişkənlik riskinə dair qeyri-müəyyənliyi artırır.”
"Fitch" 2025-ci il boyunca müdafiə xərcləri, zəif iqtisadi artım və faiz xərcləri səbəbilə dövlət maliyyəsinin təzyiq altında qalacağını vurğulayıb. Eyni zamanda, analitiklərin fikrincə, davam edən müharibələr, ABŞ-Çin qarşıdurması, ticarət gərginlikləri və Vaşinqtonun dəyişkən xarici siyasəti səbəbilə geosiyasi şərait yüksək risk daşımaqda davam edəcək.
Bizi sosial şəbəkələrdən izləyin!!
