Müəllif: Tamara Mustafayeva, Banco.az
“Fitch Ratings” Qırmızı dənizdəki hadisələrin qiymətlərə ciddi təsiri olacağını düşünmür.
Banco.az xəbər verir ki, “Fitch Ratings”in Qırmızı dənizdə gəmilərin hərəkətinin dayandırılmasının əmtəə bazarlarına təsirinin təhlilinə əsasən, bu fasilələr əsas mallar üzrə geosiyasi risk bonusunun davam etməsinə səbəb olur.
Digər tərəfdən, faktiki neft hasilatında əhəmiyyətli bir fasilə və ya Qırmızı dənizdəki kritik neft ehtiyatlarına hücumlar artmazsa, 2024-cü ildə Brent markalı neftin qiymətinin 80 dollar/barel səviyyəsinə çatacağı proqnozlaşdırılsa da, qiymətlərdə güclü artım gözlənilmir.
Qeyd edək ki, “BP”, “Shell”, “QatarEnergy” və bir çox gəmiçilik şirkətləri Süveyş kanalı vasitəsilə tranzitini dayandırarkən, bəzi şirkətlər Afrikaya marşrutlarını dəyişib. Təchizat zəncirləri təxminən iki həftə daha çox vaxt aparan alternativ marşruta uyğunlaşmalı olduğundan gözlənilir ki, bu vəziyyət müvəqqəti də olsa, neft və qaz bazarlarını cüzi şəkildə sıxışdıra bilər. Lakin bu, qiymətlərə əsaslı təsir göstərməyəcək.
“Fitch Ratings” 2024-cü ildə Avropa qaz qiymətləri (TTF) ilə bağlı proqnozunu 12 dollar/mcf səviyyəsində saxlayıb.
Bizi sosial şəbəkələrdən izləyin!!
