Müəllif: Tamara Mustafayeva, Banco.az
Avropada avtomobil satışları iyul ayında 5,9 faiz artarkən, Çin şirkəti BYD-nin bazar payındakı artım diqqət çəkib.
Banco.az xəbər verir ki, Almaniyada satışlarda iyulda artım müşahidə olunsa da, Böyük Britaniya, Fransa və İtaliyada azalma qeydə alınıb.
Avropa Avtomobil İstehsalçıları Birliyinin (ACEA) məlumatına görə, Avropa İttifaqı, Avropa Azad Ticarət Assosiasiyası (EFTA) və Böyük Britaniyada yeni avtomobil satışları iyulda 1,09 milyon ədədə yüksəlib.
Elektrikli avtomobillərin satışları artsa da, satışları 40,2 faiz azalan Tesla ardıcıl yeddinci ayda da bazar payı itirib. Şirkətin Çinli rəqibi BYD isə ABŞ-lı istehsalçını geridə qoyub.
İlk dəfə aylıq satış hesabatına daxil edilən BYD-nin satışları 225,3 faiz artaraq şirkətin bazar payını iyul ayında 1,2 faizə çatdırıb. Tesla-nın bazar payı isə ötən ilki 1,4 faizdən 0,8 faizə enib.
Volkswagen-in satışları ötən illə müqayisədə 11,6 faiz, Renault-un satışları isə 8,8 faiz artarkən, Stellantis-in satışları 1,1 faiz azalıb.
Bizi sosial şəbəkələrdən izləyin!!
