Müəllif: Gülnar Əhmədli, Banco.az
2024-cü ilin yanvar-noyabr aylarında Azərbaycandan hava nəqliyyatı ilə 3 milyon 105 min 610 nəfər səfər edib.
Banco.az Dövlət Turizm Agentliyinə istinadən xəbər verir ki, bu, ötən ilin eyni dövrü ilə müqayisədə 724 min 155 nəfər və ya 30,4% çoxdur.
Hesabat ayları ərzində Azərbaycandan ən çox sərnişin Rusiyaya gedib – 848 min 184 nəfər. Bu ötən ilin eyni dövrünə nisbətdə 1 il əvvələ nisbətən 25,4% artım deməkdir.
11 ayda Türkiyəyə Azərbaycandan 813 min 115 nəfər gedib. Birləşmiş Ərəb Əmirliklərinə səyahət edən sərnişinlərin sayı isə 375 min 788 nəfər olub.
Ötən ilin eyni dövründə ən çox sərnişin Türkiyəyə (693 min 67 nəfər), Rusiyaya (676 min 596 nəfər) və BƏƏ-yə (269 min 760 nəfər) gedib.
Bizi sosial şəbəkələrdən izləyin!!
