"Günay Sığorta" ASC "Yaşıl Kart" sistemi çərçivəsində fəaliyyət göstərmək hüququ olan sığortaçıların Reyestrinə daxil edilib. Bu barədə "Report"a İcbari Sığorta Bürosundan məlumat verilib.
Bununla da Azərbaycanda "Yaşıl Kart" sisteminə qoşulmuş sığorta şirkətlərinin ümumi sayı 14-ə çatıb. Hazırda "Günay Sığorta" ilə yanaşı, "AXA-Mbask" ASC, "Xalq Sığorta" ASC, "Azsığorta" ASC, "Meqa Sığorta" ASC, "Atasığorta" ASC, "PAŞA Sığorta" ASC, "Standard Insurance" ASC, "Azərbaycan Sənaye Sığorta" ASC, "Silkway Insurance" ASC, "Azərsığorta"Dövlət Sığorta Kommersiya Şirkəti, "Atəşgah Sığorta" ASC, "Alfa Sığorta" ASC və "Qala Sığorta" ASC sözügedən sistem çərçivəsində fəaliyyət göstərmək hüququna malikdir.
