Müəllif: Tamara Mustafayeva, Banco.az
Avropa Statistika Ofisi (Avrostat) Avropa İttifaqı (Aİ) və Avrozonanın avqust ayı işsizlik göstəricilərini yayımlayıb.
Banco.az xəbər verir ki, hesabata görə, Aİ-də iyul ayında 5,9% olan mövsümi təsirdən təmizlənmiş işsizlik nisbəti avqust ayında dəyişməyib.
Avrozonada isə iyulda 6,2% olan işsizlik nisbəti avqustda 6,3%-ə yüksəlib.
Ötən ilin avqust ayında işsizlik nisbəti Avrozonada 6,3%, Aİ-də isə 5,9% olaraq qeydə alınmışdı.
Avqust ayında işsizlik nisbəti İspaniyada 10,3%, Finlandiyada 9,8%, İsveçdə 8,7%, Estoniyada 8,2% və Yunanıstanda 8,1% olub.
Aİ-də işsizlərin sayı avqust ayında 13 milyon 89 min nəfər olaraq hesablanıb, bunların 10 milyon 842 mini isə Avrozonada yerləşib.
Bizi sosial şəbəkələrdən izləyin!!
