Müəllif:Mehin Qasımova,Banco.az

ABŞ-ın İrana qarşı həyata keçirdiyi hərbi əməliyyatların gündəlik xərci təxminən 900 milyon dollar təşkil edir.

Banco.az xəbər verir ki, bu barədə ABŞ Senatında çoxluq lideri Con Tun  jurnalistlərə açıqlamasında bildirib. Onun sözlərinə görə, əməliyyatların maliyyə yükü böyük olsa da, ABŞ qarşıya qoyulan məqsədlərə çatmağa davam edir.

“Bu, əhəmiyyətli bir rəqəmdir, amma inanıram ki, yaxşı vəziyyətdəyik. Məqsədlərimizə çatırıq”, – deyə senator bildirib.

Tun əlavə edib ki, İran əməliyyatları vacib bir missiyadır və onun tezliklə başa çatacağına ümid edir.

Eyni zamanda, Ağ Evin bu həftə müdafiə xərclərinin maliyyələşdirilməsi üçün on milyardlarla dollara çata biləcək əlavə büdcə tələb etməsi gözlənilir.