Müəllif: Tamara Mustafayeva, Banco.az
Miçiqan Universiteti amerikalı istehlakçıların meyllərinə uyğun olaraq hazırladığı istehlakçı inam indeksinin avqust ayına dair yekun nəticələrini açıqlayıb.
Banco.az xəbər verir ki, buna görə istehlakçı inam indeksi avqustda əvvəlki ayla müqayisədə 0,4 bənd azalaraq 58,2-yə enib. Beləliklə, gömrük rüsumları ilə bağlı iqtisadi mənzərə və inflyasiya ilə əlaqədar narahatlıqların davam etməsi fonunda istehlakçı etimadı son üç ayın ən aşağı səviyyəsinə düşüb.
Bloomberg iqtisadçılarının orta proqnozuna görə, istehlakçı inam indeksinin bu dövrdə 58,6 olması gözlənilirdi. İyul ayında isə istehlakçı inam indeksi 58,6 olmuşdu.
Amerikalıların mövcud maliyyə vəziyyətinə dair qiymətləndirməsini ölçən cari iqtisadi şərait indeksi avqustda aylıq əsasda 0,8 bənd artaraq 61,7-yə yüksəlib. Bazar isə bu göstəricinin 60,8 olacağını proqnozlaşdırırdı.
İstehlakçıların uzunmüddətli gözləntilərini əks etdirən istehlakçı gözləntiləri indeksi də eyni dövrdə 0,5 bənd artaraq 58,6-ya çatıb.
Bizi sosial şəbəkələrdən izləyin!!
