Müəllif: Tamara Mustafayeva, Banco.az
ABŞ-da ipoteka müraciətləri həftəlik 12,5% artaraq üç həftə ardıcıl azalmalara son qoyub.
Banco.az xəbər verir ki, İpoteka Bankaları Assosiasiyası (MBA) 6 iyun tarixi ilə başa çatan həftəyə dair ipoteka (ev krediti) müraciətləri ilə bağlı məlumatları açıqlayıb.
MBA-nın məlumatına görə, ipoteka müraciətləri əvvəlki həftə ilə müqayisədə 12,5% artıb.
Bununla da, ardıcıl üç həftə davam edən ipoteka müraciətlərindəki azalma 6 iyun etibarilə sona çatıb.
Son bir həftədə yaşayış evi almağa yönəlmiş müraciətlər 10%, yenidən maliyyələşdirmə (refinansman) müraciətləri isə 16% artım göstərib.
Ölkədə 30 illik ipoteka üçün orta faiz dərəcəsi ötən həftə 6,92%-dən 6,93%-ə yüksəlib. 15 illik ipoteka üzrə orta faiz isə 6,25%-dən 6,16%-ə enib.
MBA-nın vitse-prezidenti Coel Kan iqtisadiyyatda davam edən qeyri-müəyyənliyə baxmayaraq, ev alıcılarının bəzi bazarlarda yumşalmış mənzil təklifindən (inventory) faydalandığını qeyd edib.
Bizi sosial şəbəkələrdən izləyin!!
