Müəllif: Tamara Mustafayeva, Banco.az
Hindistan Mərkəzi Bankı "Tata Sons"un ilkin ictimai təklifdən yayınmaq tələbini rədd edib.
Banco.az xəbər verir ki, Hindistan Mərkəzi Bankı "Tata Sons"un ilkin ictimai təklifdən qaçmaq tələbini rədd edib.
Hindistan Mərkəzi Bankının (RBI) "Tata Sons"un ilkin ictimai təklif öhdəliyindən qaçmaq məqsədilə etdiyi qeydiyyatın ləğvi müraciətini rədd etdiyi bildirilib.
"Bloomberg" və "Reuters"ın mövzuya yaxın mənbələrə əsaslanan xəbərlərinə görə, "Tata Sons" qapalı səhmdar şirkət kimi qalmaq məqsədilə əsas investisiya şirkəti statusundan çıxarılması üçün RBI-yə müraciət etmişdi. Lakin mərkəzi bank şirkətin tələbini qəbul etməyib.
185 milyard dollarlıq "Tata Qrupu"nun holdinq şirkəti "Tata Sons" RBI tənzimləmələri çərçivəsində üst pillə bankdankənar maliyyə qurumu kimi təsnif edilir. Tənzimləmələr müəyyən həcmdən yuxarı olan və ya dövlət vəsaitlərinə birbaşa yaxud dolayı çıxışı olan şirkətlər üçün birjada kotirovka olunma öhdəliyi qoyur.
Bizi sosial şəbəkələrdən izləyin!!
