Vaşinqton və Tehranın danışıqlar aparmaq üçün iki həftəlik atəşkəs barədə razılığa gəlməsi xəbəri çərşənbə günü neft qiymətlərini aşağı saldı, lakin atəşkəsin davamlılığı və Hörmüz boğazında gəmiçiliyin tez bir zamanda bərpa olunması ehtimalı ilə bağlı şübhələr fonunda qiymətlər sonradan bərpa olundu.

Banco.az xəbər verir ki, Londonun ICE Futures birjasında iyun ayı üçün Brent markalı neftin fyuçerslərinin qiyməti  0,74 dollar (0,77%) artaraq bir barel üçün 96,66 dollara çatıb. Cümə axşamı müqavilə 1,17 dollar (1,2%) artaraq bir barel üçün 95,92 dollara çatıb.

Nyu-York Ticarət Birjasının (NYMEX) elektron ticarət sessiyasında WTI markalı xam neftin may fyuçerslərinin qiyməti 0,45 dollar (0,46%) artaraq bir barel üçün 98,32 dollara çatıb. Əvvəlki sessiyada bu müqavilələr 3,46 dollar (3,7%) artaraq bir barel üçün 97,87 dollara çatıb.

Reuters agentliyinin məlumatına görə, həftənin sonuna qədər hər iki növ neft üzrə müqavilələr 10%-dən çox düşə bilər ki, bu da 2025-ci ilin iyun ayından bəri bir həftədə ən kəskin azalmanı göstərir.