Müəllif: Tamara Mustafayeva, Banco.az
Entoni Skaramuççi bitkoinin qiymətinin gələn il 170 min dolları keçə biləcəyini söyləyib.
Banco.az xəbər verir ki, “SkyBridge Capital”ın qurucusu Entoni Skaramuççi bazar ertəsi verdiyi müsahibədə bildirib ki, yeni siyahıya alınmış birja fondlarına tələbat və apreldə yarıya düşmə səbəbindən bitkoinin qiyməti gələn il 170 min dolları keçə bilər.
Skaramuççinin Davosdakı çıxışında dediyinə görə, əgər bitkoin yarıya enməklə (təxminən indi olduğu kimi) 45 min dollar səviyyəsindədirsə, 2025-ci ilin ortalarından sonuna qədər 170 min dollara çatacaq.
Qeyd edək ki, yarıya enmə (halving) yeni bitkoinin dövriyyəyə daxil olma sürətini azaldan texniki prosesdir.
Skaramuççi Ümumdünya İqtisadi Forumunun illik iclasından əvvəl isə belə deyib:
"Aprelin yarılanma günündə qiymət hansı səviyyədədirsə, onu dördə vurun və bitkoin, növbəti 18 ay ərzində həmin qiymətə çatacaq".
Bizi sosial şəbəkələrdən izləyin!!
