Müəllif: Tamara Mustafayeva, Banco.az
“Aramco” Asiya neftayırma zavodlarına Yanbudan tədarükə hazırlaşır.
Banco.az xəbər verir ki, Asiyanın ən azı üç neftayırma zavoduna yaxın vaxtlarda Qırmızı dənizdə yerləşən Yanbu limanından neft tədarükünə başlanacağı bildirilib.
“Bloomberg”in xəbərinə görə tədarüklərin hansı tarixdə başlayacağı ilə bağlı hər hansı təqvim açıqlanmayıb.
Yanbu limanına gündə təxminən 4 milyon barel neft daşıyan Şərq-Qərb boru kəmərinin sentyabrın 10-da İraqdan buraxılan pilotsuz uçuş aparatlarının (PUA) hücumuna məruz qalmasından sonra bağlanması ilə limandan yükləmələr demək olar ki, tamamilə dayanmışdı.
“Aramco” tərəfindən son dövrdə yeni açıqlama verilməsə də, məsələyə yaxın mənbə ötən həftənin sonunda “Bloomberg”ə bildirib ki, Səudiyyə Ərəbistanı mövcud gücün təxminən yarısını bir neçə gün ərzində yenidən işə salmağa çalışır.
Bizi sosial şəbəkələrdən izləyin!!
