Müəllif: Tamara Mustafayeva, Banco.az
ABŞ-da pərakəndə satışlar mart ayında proqnozları üstələyib.
Banco.az xəbər verir ki, “ABŞ Ticarət Nazirliyi”nin açıqladığı məlumatlara görə, pərakəndə satışlar mart ayında aylıq müqayisədə 1,7 faiz artıb. Proqnoz isə 1,4 faiz artım səviyyəsində idi.
Fevral ayı üzrə göstərici də 0,6 faizdən 0,7 faizə yüksəldilərək yenidən nəzərdən keçirilib.
Avtomobil satışları istisna olmaqla pərakəndə satışlar mart ayında aylıq 1,9 faiz artım göstərib.
Mart ayındakı artımda əsas rol, İran müharibəsi fonunda yanacaq qiymətlərinin 2022-ci ildən bəri ən yüksək səviyyəyə çatması ilə əlaqədar olaraq benzinə çəkilən xərclərin 15,5 faiz artması olub. Benzin istisna olmaqla satışlar isə 0,6 faiz yüksəlib.
Mebel, elektronika və ümumi istehlak malları daxil olmaqla 13 kateqoriyanın demək olar ki, hamısında artım qeydə alınıb. Motorlu nəqliyyat vasitələrinin satışı 0,5 faiz artıb. Hesabatda xidmət sektoru üzrə yeganə kateqoriya olan restoran və barların gəlirləri isə 0,1 faiz yüksəlib.
Bizi sosial şəbəkələrdən izləyin!!
