Müəllif: Tamara Mustafayeva, Banco.az
Ağ Ev İdarəetmə və Büdcə İdarəsi ABŞ mərkəzli “X” şirkətinin sosial media platformasındakı hesabından mövzu ilə bağlı açıqlama yayıb.
Banco.az xəbər verir ki, açıqlamaya görə, Tramp administrasiyası Nümayəndələr Palatasının sədri Mayk Consona göndərdiyi məktubda Konqres tərəfindən daha əvvəl təsdiqlənmiş 4,9 milyard dollarlıq xarici yardımı xərcləməyəcəyini və bununla da qanunverici orqanı kənarda qoyaraq büdcədə ixtisara gedəcəyini bildirib.
Trampın təqribən 5 milyard dollarlıq xarici yardım büdcəsini dayandırmasının ABŞ-ın xarici siyasətinə mənfi təsir göstərəcəyi ilə bağlı tənqidlər Amerika mediasına əks olunub. Ağ Ev isə Prezident Trampın xarici yardımlar məsələsində əvvələ nisbətən “daha diqqətli davranacağını” vurğulayıb.
ABŞ-da bəzi prezidentlər Konqres tərəfindən təsdiqlənərək büdcəyə daxil edilmiş xərcləri əngəlləmək üçün maliyyə ilinin sonuna az qalmış Konqresə bildiriş göndərir və Konqres qısa müddətdə qərar qəbul etmədikdə, həmin büdcə vəsaiti xərclənmədən geri qaytarılırdı.
Digər tərəfdən Demokratlar Trampın bu üsulu başqa xərclər üçün də istifadə edərək, büdcə hazırlamaq və nəzarət etmək səlahiyyətinə malik olan Konqresin səlahiyyətlərinə müdaxilə etdiyini iddia edirlər.
Bizi sosial şəbəkələrdən izləyin!!
