Ölkənin aparıcı korporativ maliyyə institutu "PAŞA Bank" Azərbaycanın milli mədəni irsinin qorunması və təbliği istiqamətində təşəbbüslərini davam etdirir.
Bu təşəbbüslər çərçivəsində, 9 iyul 2025-ci il tarixində Bank və Azərbaycan Dövlət Akademik Opera və Balet Teatrı arasında əməkdaşlığa dair memorandum imzalanıb. Bankın İdarə Heyətinin sədri Cavid Quliyev və Teatrın direktoru Yusif Eyvazovun imzaladığı memorandum əsasında “PAŞA Bank” müasir Azərbaycan peşəkar musiqi sənətinin və milli operasının banisi, bu il 140 illik yubileyi qeyd olunan dahi bəstəkar Üzeyir Hacıbəyovun “Koroğlu” operasının bərpası layihəsinə dəstək üçün ianə ayırıb.
(8).jpg)
Memorandumun imzalanmasına həsr olunmuş tədbirdə Cavid Quliyev qeyd edib ki, korporativ sosial məsuliyyət strategiyasının (KSM) tərkib hissəsi olaraq “PAŞA Bank” milli irsimizin və kimliyimizin qorunması və təşviqi məqsədilə mədəni layihələrin dəstəklənməsini prioritet hesab edir.
“Milli irsimiz - ürəkdən gələn bir səsdir, bu səs bizi birləşdirir və gələcəyə aparır. O, təkcə musiqi və sözlərdən ibarət deyil - bu səs yaddaşımızın, ruhumuzun, zəngin keçmişimizin bizə verdiyi dəyərlərin əks-sədasıdır. “PAŞA Bank” olaraq, biz bu səsin unudulmaması, yeni nəsillər tərəfindən duyulması və yaşadılması üçün buradayıq. Çünki mədəni irsimiz yalnız qorunmalı deyil - hiss olunmalı, paylaşılmalı və davam etdirilməlidir. Əminəm ki, qəhrəmanlıq, dözümlülük və milli qürur kimi dəyərləri özündə əks etdirən “Koroğlu” operasının bərpa layihəsinə dəstək verən “PAŞA Bank” milli irsin qorunması və gələcək nəsillərə ötürülməsində körpü rolunu oynayacaqdır”, - deyə, C.Quliyev vurğulayıb.(3).jpg)
“Bu gün “PAŞA Bank” ilə imzalanan tərəfdaşlıq memorandumu milli opera və baletimizin inkişafında önəmli rol oynayacaq. Üzeyir Hacıbəyovun “Koroğlu” operasının bərpasında birgə əməkdaşlığımız mədəni irisimizin bu təkrarsız nümunəsinin qorunması və təbliğinə öz töhfəsini verəcək. Göstərilən dəstəyə görə İdarə Heyətinin sədri Cavid Quliyevin simasında bütün “PAŞA Bank” kollektivinə Teatrımız adından öz təşəkkürümüzü bildiririk”, - deyə, Dövlət Akademik Opera və Balet Teatrının direktoru Yusif Eyvazov vurğulayıb.
Milli irsimizin qorunmasına və tanıdılmasına töhfə vermək “PAŞA Bank”ın sosial məsuliyyət fəaliyyətinin əsas istiqamətlərindəndir. Bank indiyədək Fikrət Əmirovun simfonik muğamlarının toplusunun hazırlanması, xalçaçılıq sənətimizin Avropada tanıdılması, milli kinomuzun dəyərli nümunələrinin təbliği kimi mədəni layihələrə dəstək verib. Gələcəkdə də bu istiqamətdə fəal olmağı və yeni təşəbbüslərlə çıxış etməyi planlaşdırır.
Bizi sosial şəbəkələrdən izləyin!!
