Müəllif - Eldar Kərimov - Banco.az

 "Goldman Sachs" analitikləri cari ilin sonuna olan Amerika fond indeksi S&P 500-ün proqnoz dəyərini əvvəllər gözlənilən 6500 bənddən 6200 bəndə endiriblər.  

Onlar buna səbəb kimi siyasi qeyri-müəyyənliyi, o cümlədən idxal rüsumlarını və ABŞ iqtisadiyyatının vəziyyətinə dair narahatlıqları göstəriblər, "Reuters" xəbər verir.  

Çərşənbə axşamı S&P 500 ticarəti 5572,07 bənddə (gün ərzində 0,8% azalaraq) başa vurub. Beləliklə, bankın ekspertlərinin yeni proqnozu 11%-dən çox artım deməkdir.  

Bazar ertəsi indeks 2,7% itirib ki, bu, keçən ilin dekabrından bəri ən pis enmə olub.  

"Bazarın düşməsinin yaxın səbəbləri rüsumlarla bağlı siyasi qeyri-müəyyənliyin sıçrayışı və iqtisadi artım perspektivlərinə dair narahatlıqlardır," - "Goldman Sachs"ın açıqlamasında deyilir.  

Çərşənbə günü mart ayı üzrə S&P 500 fyuçerslərinin kotirovkaları 0,6% artım göstərir.