Çərşənbə axşamı keçirilən ticarət əməliyyatlarında neftin qiyməti yenidən aşağı düşüb.

Banco.az xəbər verir ki, treyderlər Venesuela ətrafındakı vəziyyəti izləməyə, İsrailin İranla bağlı açıqlamalarını qiymətləndirməyə və Ukrayna Prezidenti Vladimir Zelenskinin Avropa liderləri ilə görüşünün nəticələrini gözləməyə davam edirlər.

London ICE Futures birjasında mart ayı üçün Brent markalı neftin fyuçerslərinin qiyməti barel üçün 61,36 dollar təşkil edir ki, bu da əvvəlki ticarətlərin bağlanışından 0,4 dollar (0,65%) aşağıdır.

Nyu-York Ticarət Birjasının elektron ticarətində fevral ayı üçün WTI neftinin fyuçerslərinin qiyməti 0,39 dollar (0,67%) azalaraq bir barel üçün 57,93 dollara düşüb.

Səudiyyə Ərəbistanı fevral ayında bütün bölgələrdə alıcılar üçün neft qiymətlərini aşağı salacağını dövlətə məxsus Saudi Aramco açıqladı. Asiyaya tədarük edilən əsas növ olan Arab Light neftinin qiyməti ardıcıl üçüncü aydır ki, barel üçün 0,30 dollar düşəcək. Onun qiyməti Oman/Dubay xam neft səbətindən 0,30 dollar baha olacaq.

Asiya üçün digər növ neftin qiymətlərində azalma bir barel üçün 0,2-0,3 dollar, ABŞ üçün 0,3-0,4 dollar, Şimal-Qərbi Avropa və Aralıq dənizi üçün isə 0,4 dollar təşkil edəcək.