Neft qiymətləri cümə axşamı səhər yenidən yüksəlir.

Banco.az xəbər verir ki, Londonun ICE Futures birjasında aprel ayı üçün Brent markalı neftin fyuçerslərinin qiyməti 0,17 dollar (0,24%) artaraq bir barel üçün 69,57 dollara çatıb.

Əvvəlki sessiyada bu müqavilələrin qiyməti  0,60 dollar (0,87%) artaraq bir barel üçün 69,40 dollara çatıb.

Nyu-York Ticarət Birjasında (NYMEX) mart ayı üçün WTI xam neftinin fyuçerslərinin qiyməti 0,23 dollar (0,36%) artaraq bir barel üçün 64,86 dollara çatıb. Əvvəlki sessiyada bu müqavilələrin qiyməti 0,67 dollar (1,05%) artaraq bir barel üçün 64,63 dollara çatıb.

ABŞ və İran arasında gərginlik davam etdiyindən, hər iki qiymət təxminən beş ayın ən yüksək səviyyəsinə yaxınlaşır.

ABŞ prezidenti Donald Trampın Tehranla razılığa gəlmək istəyinə baxmayaraq, treyderlər hərbi əməliyyatların perspektivi və təchizat riskləri ilə bağlı narahatlıqlarını davam etdirirlər.