Müəllif: Tamara Mustafayeva, Banco.az
Çin bir müddətdir davam edən daşınmaz əmlak böhranını aradan qaldırmaq üçün yeni qərarlar elan edib.
Banco.az xəbər verir ki, yeni qərarlara görə, ipoteka faizləri üzrə zəmin şərti aradan qaldırılıb və fərdi alıcılar üçün minimum ilkin ödəniş dərəcələri aşağı salınıb.
Çin Mərkəzi Bankı ilk dəfə mənzil alanlar üçün minimum ilkin ödəniş dərəcəsini 15 faizə endirib. İkinci evlər üçün bu nisbət 25 faizə endirilib.
Çin Mərkəzi Bankının sədr müavini Tao Linq ölkədə güzəştli mənzillər üçün 300 milyard yuan kredit imkanının yaradılacağını açıqlayıb. Güzəştli mənzillər üçün təkrar kredit üzrə faiz dərəcəsi isə 1,75 faiz təşkil edəcək.
Bizi sosial şəbəkələrdən izləyin!!
