Müəllif: Tamara Mustafayeva, Banco.az
Çin banklara 142 milyard dollar kapital yatırmağı planlaşdırır.
Banco.az xəbər verir ki, “Bloomberg” nəşrinin yaxın mənbələrə əsaslanaraq verdiyi məlumata görə, Çin ən böyük dövlət banklarına 142 milyard dollara qədər kapital qoymağı düşünür.
Bu addım Pekinin 2008-ci ildəki qlobal maliyyə böhranından sonra öz böyük banklarına ilk dəfə kapital qoyması olacaq.
Çin iqtisadiyyatı stimullaşdırmaq üçün ipoteka faizlərində geniş miqyaslı endirimlər elan etdikdən və əsas siyasət dərəcələrini azaltdıqdan sonra ölkənin bank sektorunun bərpası üçün çalışır.
Qeyd edək ki, son illərdə iqtisadiyyatı dəstəkləmək məcburiyyətində olan “Industrial & Commercial Bank of China Ltd” və “Bank of China Ltd” kimi banklar indi rekord həddə aşağı marjalar, aşağı mənfəət və artan borclarla mübarizə aparır.
Bizi sosial şəbəkələrdən izləyin!!
