Müəllif: Tamara Mustafayeva, Banco.az
Afrikanın ən varlı insanlarının adları açıqlanıb.
Banco.az xəbər verir ki, Nigeriyalı iş adamı Aliko Danqote bu il də siyahının birinci pilləsində qərarlaşıb.
Cənubi Afrikalı İohann Rupert ikinci, Nikki Oppenheymer isə üçüncü sırada yer alıb.
“Forbes” jurnalının dərc etdiyi "2024-cü il Afrikanın ən zəngin insanları" siyahısına görə Misir, Əlcəzair, Mərakeş, Zimbabve və Tanzaniyadan olan 20 nəfərdən ibarət siyahının ümumi sərvəti 82,4 milyard dollar olub.
Varidatını sement istehsalı ilə qazanan Danqote 2023-cü ildə sərvətini 400 milyon dollar artıraraq 13,9 milyard dollara çatdırıb. O, artıq 13-cü dəfədir ki, siyahıya başçılıq edir.
Bizi sosial şəbəkələrdən izləyin!!
