Müəllif: Tamara Mustafayeva, Banco.az
ABŞ Ticarət Nazirliyi iyul ayına dair xarici ticarət proqnozlarını açıqlayıb.
Banco.az xəbər verir ki, ABŞ-ın xarici ticarət kəsiri iyul ayında son dörd ayın ən yüksək səviyyəsinə çatıb. Bu artımda şirkətlərin Prezident Donald Trampın qlobal ticarət tərəfdaşlarına tətbiq edəcəyi yeni gömrük rüsumlarını elan etməzdən əvvəl mal və xammal idxalını sürətləndirməsi təsirli olub.
İyulda ABŞ-ın mal və xidmət ticarət kəsiri əvvəlki ayla müqayisədə 32,5 faiz artaraq 78,3 milyard dollara yüksəlib. Bloomberg sorğusunda iştirak edən iqtisadçılar isə təxminən 78 milyard dollarlıq kəsir proqnozlaşdırmışdılar.
İyul ayında idxal dəyəri 5,9 faiz artaraq ilin əvvəlindən bəri ən yüksək səviyyəyə çatıb. İxracatda isə məhdud artım müşahidə olunub. Rəqəmlər inflyasiyadan təmizlənməyib.
İdxaldakı artımın əsas səbəbi qızıl tədarükündəki yüksəlişlə yanaşı sənaye gəlirlərinin dörd ayın zirvəsinə qalxması olub. İstehlak mallarının idxalı da artıb, avtomobildən başqa əsas kapital avadanlıqlarının idxalı isə ilin əvvəlindən bəri ən güclü artımını qeydə alıb.
Bizi sosial şəbəkələrdən izləyin!!
