Müəllif: Gülnar Əhmədli, Banco.az
Yapı Kredi Bank Azərbaycan-ın xalis mənfəəti cari ilin yanvar-sentyabr aylarında 7 milyon 712 min manat təşkil edib.
Banco.az Bankın maliyyə hesabatına istinadən xəbər verir ki, 30 sentyabr 2025-ci il tarixinə Yapı Kredi Bank Azərbaycan-ın aktivlərinin həcmi 657 milyon 96 min manata bərabər olub.
Bankın kredit portfeli hesabat dövrü ərzində artım göstərib. Belə ki, 2024-cü ilin sonu ilə müqayisədə bankın kredit portfeli 116 milyon 539 min manat (36,7%) artıb və 434 milyon 127 min manat olub.
30 sentyabr tarixinə bankın depozit portfeli 439 milyon 7 min manat təşkil edib. Depozitlərin 88 milyon 863 min manatı fiziki şəxslərin, 350 milyon 144 min manatı isə hüquqi şəxslərin depozitləri olub.
Bizi sosial şəbəkələrdən izləyin!!
