Müəllif:Mehin Qasımova,Banco.az
ABŞ prezidenti Donald Tramp ABŞ-da yerləşən sosial media platforması "Truth Social" hesabında mövzu ilə bağlı paylaşım edib.
Banco.az xəbər verir ki, ABŞ prezidenti Donald Tramp noyabrın 1-dən idxal edilən orta və ağır yük maşınlarına 25 faizlik gömrük rüsumunun tətbiq ediləcəyini açıqlayıb.
"Noyabrın 1-dən ABŞ-a başqa ölkələrdən gələn bütün orta və ağır yük maşınlarına 25% rüsum tətbiq olunacaq", - ABŞ prezidenti Tramp bildirib.
Tramp sentyabrın 25-də verdiyi açıqlamada tarifin başlama tarixini 1 oktyabr elan edib.
Mövzu ilə bağlı əvvəlki yazısında Tramp demişdi: “İri yük maşınları istehsalçılarımızı haqsız xarici rəqabətdən qorumaq üçün dünyanın digər yerlərində istehsal olunan bütün ağır yük maşınlarına oktyabrın 1-dən etibarən 25 faizlik tarif tətbiq edəcəyəm”.
