Birləşmiş Ştatlar Çinlə ədalətli olan ticarət razılaşması əldə edə bilər.
Banco.az xəbər verir ki, bunu ABŞ Prezidenti Donald Tramp Ağ Evdə jurnalistlərin suallarını cavablandırarkən deyib.
O, bu həftə İsveçrədə ABŞ-Çin məsləhətləşmələri ilə bağlı gözləntiləri ilə bağlı sualı cavablandırarkən, "Düşünürəm ki, biz həm Çin, həm də bizim üçün ədalətli bir razılaşma ilə geri dönəcəyik",- dedi.
Eyni zamanda, Tramp iki ölkə nümayəndələrinin İsveçrədəki görüşündən nəticə çıxarmasa, məyus olmayacağını bildirib:
"Bizim artıq çox böyük işimiz var. Hazırda Çinlə iş görmürük, biz keçən il Çinə 1 trilyon dollar itirmişik, ona görə də onlarla iş görməsək, 1 trilyon dollar itirməyəcəyik".
Çin Xalq Respublikası Dövlət Şurasının Baş nazirinin müavini He Lifeng mayın 9-dan 12-dək İsveçrədə səfərdə olacaq və burada ABŞ-ın maliyyə naziri Skott Bessent və ABŞ-ın ticarət nümayəndəsi Ceymison Qri ilə ticarət məsələləri üzrə məsləhətləşmələr aparacaq.
