Müəllif:Mehin Qasımova/Banco.az
Nvidia, 2025-ci maliyyə ilinin dördüncü rübü olaraq balans hesabatında nəzərə aldığı 26 yanvarda sona çatan üç aylıq dövr üçün maliyyə nəticələrini açıqladı.
Banco.az xəbər verir ki, sözügedən dövrdə şirkətin gəliri 39,3 milyard dollara çatıb.
Bazar gözləntiləri Nvidia-nın bu dövrdəki gəlirinin 38,05 milyard dollar olacağı idi. 2025-ci maliyyə ilində Nvidia-nın gəliri 114 faiz artaraq 130,5 milyard dollara çatıb. Çip istehsalçısı cari rüb üçün gəlir gözləntisini 43 milyard dollar olaraq açıqlayıb. Nvidia-nın xalis mənfəəti də rübdə illik 80 faiz artaraq 22,1 milyard dollara çatıb. Ötən ilin eyni dövründə şirkətin xalis mənfəəti 12,3 milyard dollar olub.
