Müəllif: Tamara Mustafayeva, Banco.az
Qlobal artım narahatlıqları əmtəə bazarında aşağı istiqamətli təzyiqi artırarkən “Morgan Stanley” yenidən Brent nefti ilə bağlı proqnozunu azaldıb.
Banco.az xəbər verir ki, “Morgan Stanley” Brent markalı neftin qiyməti ilə bağlı proqnozunu son həftələr ərzində ikinci dəfə azaldıb.
Buna əsas səbəb isə təklif çoxluğu davam edərkən tələb narahatlıqlarının güclənməsi olub.
Martijn Rats da daxil olmaqla analitiklərin qeydinə görə, Brent markalı neftin qiyməti dördüncü rübdə orta hesabla 75 dollar/barel olacaq.
“Morgan Stanley” analitikləri daha əvvəl oktyabr-dekabr ayları arasında Brent markalı neft proqnozlarını 85 dollardan 80 dollara endirmişdilər. Gələn ilin əksər hissəsi üçün proqnozlar da bir qədər aşağı salınıb.
Qeyd edək ki, Çindən zəif tələblə bağlı davam edən narahatlıqlar ABŞ iqtisadiyyatının yavaşlaya biləcəyinə dair siqnallarla eyni anda gəldiyi üçün Brent markalı neftin qiyməti bu yaxınlarda 2021-ci ilin sonundan bəri ən aşağı səviyyəyə düşüb. Hazırda Brent markalı neftin bir bareli 71,88 dollara satılır.
Bizi sosial şəbəkələrdən izləyin!!
