Müəllif:Mehin Qasımova,Banco.az

Dünya miqyasında yol siqnal sistemləri beynəlxalq standartlara uyğun olaraq qırmızı, sarı və yaşıl rənglərdən istifadə etsə də, Yaponiya qlobal miqyasda yeganə istisnadır.

Banco.az xəbər verir ki, Yaponiyada yol işıqlarında "get" siqnalı  yaşıl tondan daha çox fərqli mavi çalarlarla işıqlandırılır.

Bu vəziyyət yapon dilində "Ao" sözünün tarixi istifadəsindən qaynaqlanır. Qədim yapon dilində "Ao" həm mavi, həm də yaşıl rəngləri əhatə edən təsvir kimi istifadə olunurdu. Müasir yapon dilində "Midori" sözü yaşıl üçün işlənsə də, kollektiv yaddaşda svetoforlar və təbiətdəki bir çox yaşıl elementlər hələ də "Ao" (mavi) kimi xatırlanır.Yaponiya həm ictimaiyyətin "mavi işıq" gözləntilərini qarşılamaq, həm də beynəlxalq təhlükəsizlik protokollarına riayət etmək üçün texniki bir həll yolu hazırlayıb. 1973-cü ildə qəbul edilən qaydalarla siqnal lampalarında istifadə olunan yaşıl rəng işıq spektrindəki ən mavi çalara standartlaşdırıldı.

Yaponiya hökumətinin bir qərarı ilə texniki olaraq yaşıl çalar hesab olunsa da, "get" siqnalının rəngi mavi olaraq qeydə alınıb.

Ölkədəki müasir LED əsaslı siqnal sistemləri də bu mavi tonu qorumaq üçün istehsal olunur.