Manat əmanəti hansı banklarda daha sərfəlidir? – Yanvar 2025

Araşdırma: Gülnar Əhmədli, Banco.az

Banco.az bankların 2025-ci ilin ilk ayı üzrə təklif etdikləri depozit faizlərini araşdırıb.

Araşdırmamıza görə, ötən ilin dekabr ayı ilə müqayisədə "Expressbank", "Yelo Bank" və "AFB Bank" depozit faizlərini yüksəldiblər. Belə ki, 1 illik əmanət faizlərini "Expressbank" aylıq 1.5%, müddətin sonunda 0.5%, "Yelo Bank" aylıq 1%, müddətin sonunda 1%, "AFB Bank" isə aylıq 2%, müddətin sonunda isə 2.5% artırıb.

Hazırda 1 illik ən yüksək əmanət faizini "Bank of Baku" (12%) və "Expressbank" (12%) təklif edir. Bu, milli valyutada qorunan əmanətlər üzrə ən yüksək faiz həddidir.

Qeyd edək ki, 2024-cü ilin yanvarın 1-dən etibarən fiziki şəxslərin hər bir bankda milli valyutada 18 ayadək olan depozitlər üzrə hesablanan aylıq faiz gəlirlərinin 200 manatadək olan hissəsi vergidən azad edilib. Həmçinin fiziki şəxslərin hər bir bankda milli valyutada olan depoziti 18 ay və daha artıq müddətə yerləşdirildikdə faiz gəlirlərinin tam hissəsi 3 il müddətinə vergidən azad edilib.

Ən sərfəli kredit üçün müraciət et

Bankların bir il müddətinə manatla yerləşdirilən depozitlərə aylıq və müddətin sonunda təqdim etdiyi illik faiz dərəcələri ilə cədvəldən tanış ola bilərsiniz.