Müəllif - Fərid İslamov - Banco.az

 Amerikanın Symphony Technology Group şirkətinin qurucusu və idarəedici tərəfdaşı Uilyam Çisholmun başçılıq etdiyi investorlar qrupu, Sixth Street özəl investisiya fondunun dəstəyi ilə “Boston Celtics” basketbol klubunu alır. Bu barədə Sportico, məlumatlı mənbələrə istinadən xəbər verir.

• Sixth Street bu sövdələşmə üçün 1 milyard dollardan çox vəsait ayırıb.

• Konsorsiuma həmçinin klubun hazırkı investorlarından biri Rob Heyl və Related Companies şirkətinin prezidenti Brüs Beal da daxildir.

Sövdələşmə prosesi:

• Sövdələşmə, “Celtics” klubunun hazırkı sahibləri olan Grusbek ailəsinin istəyi ilə iki mərhələdə həyata keçiriləcək.

• Birinci mərhələdə klubun dəyəri 6,1 milyard dollar olaraq qiymətləndirilib.

• Ümumi qiymət isə təxminən 6,6 milyard dollar təşkil edir.

• Bu, NBA klubu üzərində nəzarəti ələ keçirmək üçün ən yüksək satınalma məbləğidir.

Əvvəlki rekord, bir neçə il əvvəl 4 milyard dollar qiymətləndirmə ilə satılan “Phoenix Suns” klubuna məxsus idi.

Klubun sahibləri İrvinq və Vik Grusbek, cümə axşamı investorlarına göndərdikləri məktubda, “potensial nəzarətçi sahiblər tərəfindən inanılmaz marağın olduğunu” vurğulayıblar.