Müəllif - Fərid İslamov - Banco.az

Hindistan 2025-ci ilin fevral ayında 2,338 milyard dollar dəyərində qızıl idxal edib. Bu barədə ölkənin Ticarət və Sənaye Nazirliyinin materiallarında qeyd olunur.

Bu rəqəm:

• 2024-cü ilin fevralı ilə müqayisədə 62% azdır.

• 2025-ci ilin yanvarı ilə müqayisədə isə 13% azdır.

İlin ilk iki ayı ərzində Hindistanın qızıl idxalı ümumilikdə 5,025 milyard dollar təşkil edib, bu isə ötən ilin müvafiq dövrü ilə müqayisədə 38% azalma deməkdir.

2024-cü ildə Hindistan, 812 ton qızıl idxal edib və bu, 58,096 milyard dollar dəyərində olub.

Hindistan, dünyanın ən böyük qızıl istehlakçılarından biri olsa da, demək olar ki, özündə istehsal etmir.