Müəllif:Mehin Qasımova,Banco.az

Goldman Sachs-ın baş icraçı direktoru David Solomon ABŞ Federal Ehtiyat Sisteminin (FED) faiz dərəcələrinin azaldılması ilə bağlı gözləntilərə ehtiyatla yanaşıb.

Banco.az xəbər verir ki, o bildirib ki, hazırkı pul siyasəti qeyri-adi dərəcədə məhdudlaşdırıcı deyil və investorların risk iştahı yüksəkdir.

Barclays-in Maliyyə Xidmətləri Konfransında çıxış edən Solomon bazar əhval-ruhiyyəsini “spektrin eyforik sonu” kimi xarakterizə edib. Onun sözlərinə görə, qlobal ticarət siyasətlərindəki gərginliklər iqtisadi böyüməyə mane olur və bu, şirkətlərin investisiya iştahını zəiflədir.

“İqtisadi mühitdə həm müsbət, həm də mənfi təsirlər var. Bu şəraitdə siyasətçilər faiz dərəcələrini azaltmağa tələsməkdənsə, ehtiyatlı davranmalıdırlar,” – deyə Solomon əlavə edib.