Müəllif - Fərid İslamov - Banco.az

Danimarka farmasevtik şirkəti Novo Nordisk biznesin transformasiyası proqramı çərçivəsində 9 min iş yerini ixtisar edəcək. Bu addımın 2026-cı ilin sonuna qədər xərclərdə illik 8 milyard Danimarka kronu (təxminən 1,3 milyard ABŞ dolları) qənaət təmin edəcəyi gözlənilir. Bu barədə şirkətin mətbuat xidməti məlumat verib.

Planlaşdırılan transformasiyanın məqsədi — əməliyyat strukturunu sadələşdirmək, qərarların qəbul sürətini artırmaq və resursları diabet və piylənmə müalicəsi üçün preparatlar seqmentinə yönəltməkdir. Bu sahə şirkət üçün əsas inkişaf potensialına malik hesab olunur.

İxtisarlar şirkətin 78,4 min nəfərlik əməkdaş heyətinin 11%-ni əhatə edəcək. Təkcə Danimarkada təxminən 5 min nəfər işini itirəcək.

Novo Nordisk qeyd edir ki, biznesin yenidən təşkili ilə bağlı birdəfəlik xərclər bu il təxminən 8 milyard kron təşkil edəcək. Buna görə də şirkət 2025-ci il üçün valyuta fərqləri nəzərə alınmadan əməli mənfəət artımı proqnozunu kəskin şəkildə azaldıb — avqustda gözlənilən 10–16%-dən 4–10%-ə endirib.

2025-ci ilin fevralında isə Novo Nordisk bu göstəricinin 27%-ə qədər artacağını gözləyirdi.