Müəllif - Fərid İslamov - Banco.az

 Britaniyanın Energean şirkəti, İtaliya və Misirin tənzimləyici orqanlarından icazələrin alınmasındakı gecikmələr səbəbindən Carlyle International Energy Partners ilə Avropadakı neft-qaz aktivlərinin satışı üzrə müqaviləni ləğv edib.

Energean-ın məlumatına görə, bu müqavilə Misir, İtaliya və Xorvatiyadakı aktivləri əhatə edirdi və onların ümumi dəyəri 945 milyon dollar olaraq qiymətləndirilirdi.

Energean bildirib ki, 19 iyun 2024-cü ildə imzalanmış müqavilə şərtlərinə görə tələb olunan tənzimləyici icazələr alınmayıb. Şirkət həmçinin Carlyle ilə bu tələblərin yerinə yetirilməsi müddətinin uzadılması barədə razılığa gələ bilməyib. Bu müddət 20 mart 2025-ci ildə başa çatıb.

Nəticədə, Energean müqaviləni ləğv etmək qərarına gəlib.