Müəllif - Fərid İslamov, Banco.az
Ən böyük kriptovalyuta birjası Binance rəqibi FTX-in aktivlərini alacaq.
Banco.az xəbər verir ki, dünyanın ən böyük kriptovalyuta birjalarından biri Binance, rəqibi FTX-nin bütün aktivlərini almağa hazırlaşır.
Binance qurucusu və icraçı direktoru Changpeng Zhao, FTX-nin likvidlik çatışmazlığı səbəbindən kömək istədiyini bildirib. Gələcək sövdələşmənin şərtləri açıqlanmayıb. Changpeng Zhao, Binance yaxın gələcəkdə FTX ilə bağlı lazımi araşdırma (müstəqil qiymətləndirmə) aparacağını açıqlayıb.
FTX rəhbəri Sem Bankman-Frid sövdələşmənin planlarını təsdiqləyərək, söhbətin ABŞ-dan kənar aktivlərdən getdiyini bildirib.
Bloomberg Billionaires Index-ə görə Sam Bankman-Fried-in 15,6 milyard dollar sərvətinin 6,22 milyard dolları FTX-in payına düşür.
Bəzi ekspertlər hesab edirlər ki, sövdələşmə DeFi məkanında ciddi risklərdən xəbər verir. Flux-un həmtəsisçisi Daniel Kellerin fikrincə, DeFi-nin gələcəyini iki əsas oyunçunun əlində cəmləmək təhlükəlidir. Keller bildirib ki, bu cür tendensiyalar köhnəlmiş mərkəzləşdirilmiş maliyyə sisteminin geri çəkilməsinə səbəb ola bilər.
