OPEC və Beynəlxalq Enerji Agentliyinin (IEA) hesabatları ərəfəsində neft qiymətləri bir qədər ucuzlaşır.

Banco.az xəbər verir ki, Londonun ICE Futures Exchange birjasında Brent markalı neftin yanvar fyuçerslərinin qiyməti bir barel üçün 0,23 dollar (0,35%) ucuzlaşaraq 64,93 dollar təşkil edib. Çərşənbə axşamı müqavilə 1,10 dollar (1,72%) artaraq 65,16 dollar/barel olub.

Nyu-Yorkun NYMEX əmtəə birjasında WTI markalı neftin dekabr fyuçersləri 0,23 dollar (0,38%) ucuzlaşaraq 60,81 dollar/barelə bərabər olub. Əvvəlki sessiyada bu müqavilələrin qiyməti 0,91 dollar (1,51%) artaraq 61,04 dollar/barel olub.

Neft qiymətləri bir gün əvvəl Rusiyaya qarşı sanksiyalar da daxil olmaqla qıtlıq qorxusu fonunda emal olunmuş neft məhsullarının qiymətinin artması ilə dəstəklənib.

Bazarın diqqəti indi tədricən OPEC-in aylıq hesabatına və IEA-nın çərşənbə günü dərc olunacaq illik proqnozuna yönəlir.

OPEC+ ölkələri ilin əvvəlindən hasilatı gündəlik təxminən 2 milyon barel artırıb. IEA artıq bunun gələn il bazarda rekord neft təklifi profisiti ilə nəticələnə biləcəyini proqnozlaşdırıb.