Müəllif  - Fərid İslamov - Banco.az

 Çin Qızıl Assosiasiyası (China Gold Association, CGA) məlumat verir ki, 2025-ci ilin yanvar-sentyabr aylarında Çin daxili xammaldan 271,78 ton qızıl istehsal edib, bu isə ötən ilin eyni dövrü ilə müqayisədə 1% çoxdur.

İdxal olunan xammaldan isə 121,15 ton qızıl istehsal olunub, bu da 9 ay ərzində 9% artım deməkdir. Beləliklə, daxili və idxal xammalı hesabına ümumilikdə 392,93 ton qızıl istehsal edilib, bu da 4% artım deməkdir.

Çində qızıl istehlakı isə 8% azalaraq 682,73 ton təşkil edib.

• Zərgər tələbi 33% azalıb, 270,04 ton səviyyəsində olub.

• İnvestisiya tələbi (qızıl külçə və sikkələr) isə 25% artaraq 352,12 ton olub.

• Sənaye və digər istehlakçılar tərəfindən qızıl istehlakı 3% artaraq 60,58 ton təşkil edib.

Şanxay birjasında doqquz ay ərzində qızıl ticarətinin həcmi 47,6 min ton, dəyəri isə 35,35 trilyon yuan (təxminən 5 trilyon dollar) olub.

• Həcmi üzrə artım 2%,

• dəyəri üzrə artım isə 42% təşkil edib.