Müəllif: Tamara Mustafayeva, Banco.az
Çin iqtisadiyyatı ABŞ-ın tətbiq etdiyi ağır tariflər səbəbindən zəifləyib.
Banco.az xəbər verir ki, Çində iqtisadi fəallıq ABŞ-ın yüksək gömrük rüsumlarının təsiri ilə zəifləyib. Mart ayında 7,7% artan sənaye istehsalı, aprel ayında ötən ilin eyni dövrü ilə müqayisədə 6,1% artıb.
İqtisadçılar aprel ayında 5,5%-lik artım gözləyirdilər.
İstehlakın göstəricisi sayılan pərakəndə satışlar mart ayında 5,9% artdıqdan sonra, aprel ayında 5,1% artmaqla bir qədər zəifləyib. İqtisadçılar bu göstəricinin 5,8% artacağını proqnozlaşdırırdılar.
Sabit əsaslı aktivlərə yatırımlar 2025-ci ilin ilk dörd ayında əvvəlki ilin eyni dövrü ilə müqayisədə 4,0% artıb, halbuki gözləntilər 4,2% artım istiqamətində idi. Birinci rübdə bu göstərici 4,2% olmuşdu.
Çində sorğu əsasında hesablanan işsizlik səviyyəsi aprel ayında mart ayındakı 5,2%-dən 5,1%-ə enib.
Bizi sosial şəbəkələrdən izləyin!!
