7 yanvar 2025-ci il saat 11:00-da “Bakı Hərrac Mərkəzi”ndə Əmanətlərin Sığortalanması Fondunun ləğvetməsində olan "NBC Bank", "Günay Bank", "Qafqaz İnkişaf Bankı" və "Atabank" ASC-lərin daşınmaz və daşınar əmlaklarının satışı üzrə hərraclar keçiriləcək.
Bu barədə bankların ləğvedicisi - Əmanətlərin Sığortalanması Fondu məlumat yayıb.
Həmin banklardan "NBCBank" ASC-nin balansındakı daşınmaz əmlak Şamaxı rayonu, Məlhəm kəndində 0.12 ha torpaq sahəsində yerləşən, 464.20 kv.m ümumi sahədən ibarət fərdi yaşayış evidir.
Daşınmaz əmlakın ilkin satış qiyməti 200.000 manatdır.
Satış qiymətinin 5%-i həcmində beh hərrac təşkilatına ödənilməlidir. Alış qiyməti 7 təqvim günü ərzində sifarişçinin hesabına ödənilməlidir.
"Günaybank" ASC-nin balansındakı daşınar əmlak "CHERY TIGGO 2" markalı minik avtomobilidir (buraxılış ili: 2019).
Daşınar əmlakın ilkin satış qiyməti 13 000 manatdır.
Satış qiymətinin 5%-i həcmində beh hərrac təşkilatına ödənilməlidir. Alış qiyməti 7 təqvim günü ərzində sifarişçinin hesabına ödənilməlidir.
"Qafqaz İnkişaf Bankı" ASC-nin balansındakı daşınmaz əmlak Bakı şəhəri, Binəqədi rayonu, Əcəmi Naxçıvani küçəsi 3068-ci məhəllə, ev 2- yeni qaydalarla AZ1108, Bakı şəhəri, Binəqədi rayonu Əcəmi Naxçıvani küçəsi, 147А ünvanında yerləşən 1182.90 kv.mümumi sahədən ibarət olan qeyri-yaşayış sahəsidir.
Daşınmaz əmlakın ilkin satış qiyməti 2 milyon 500 min manatdır.
Satış qiymətinin 5%-i həcmində beh hərrac təşkilatına ödənilməlidir. Alış qiyməti 7 təqvim günü ərzində sifarişçinin hesabına ödənilməlidir.
"Atabank" ASC-nin balansındakı daşınmaz əmlak Mingəçevir şəhəri, Heydər Əliyev prospektində istifadədə olan 0.07 ha torpaq sahəsində yerləşən 68/20 nömrəli, 2 girişli, 309.88 m2 ümumi,117.45 m2 əsas, 192.43 m2 köməkçi sahədən ibarət 2 mərtəbəli qeyri-yaşayış binasıdır.
Daşınmaz əmlakın ilkin satış qiyməti 450.000 (dörd yüz əlli min) manatdır.
Satış qiymətinin 5%-i həcmində beh hərrac təşkilatına ödənilməlidir. Alış qiyməti 7 təqvim günü ərzində sifarişçinin hesabına ödənilməlidir.
Açıq hərraclarda iştirak etmək üçün lazımi sənədlər: F/Ş şəxsiyyət vəsiqəsi, H/Ş təsis sənədləri.
Ünvan: Bakı şəh, Səbail ray, Badamdar qəsəbəsi, Badamdar şössesi 27. (“AVİS” aptekin arxası). Tel: 055-206-66-67
