Müəllif: Gülnar Əhmədli, Banco.az
Azərbaycan 2025-ci ilin yanvar-may aylarında 22 milyon 511 min dollar dəyərində 56 min 780 ton kartof ixrac edib.
Banco.az Dövlət Gömrük Komitəsinə istinadən xəbər verir ki, bu göstərici 2024-cü ilin eyni dövrü ilə müqayisədə məbləğ baxımından 55,3% və ya 8 milyon 18 min dollar, miqdar baxımından isə 22 min 462 ton və ya 65,5% çoxdur.
2024-cü ilin yanvar-may aylarında ixrac edilən kartofun miqdarı 34,3 min tona, dəyəri isə 14,5 milyon dollara bərabər idi.
Qeyd edək ki, yanvar-may aylarında kartofun ümumi ixracda xüsusi çəkisi 0,20%-ə, qeyri-neft məhsullarının ixracında xüsusi çəkisi isə 1,60%-ə bərabər olub.
Bizi sosial şəbəkələrdən izləyin!!
