2026-cı ilin yanvar-fevral aylarında Azərbaycanda ümumi sərnişin daşınması 331 milyon 880,5 min nəfər təşkil edib.

Bu barədə Dövlət Statistika Komitəsinin hesabatında qeyd edilib.

 2025-ci ilin eyni dövrü ilə müqayisədə  bu 23 milyon 277,6 min nəfər və ya 7,5% çoxdur. Ötən il göstərici 308 milyon 602,9 min nəfər olub.

Dəmir yolu nəqliyyatı ilə 1 milyon 730,3 min sərnişin daşınıb ki, bu, illik müqayisədə 316,7 min nəfər və ya 22,4% artım deməkdir. Ötən il eyni dövrdə 1 milyon 413,6 min nəfər daşınıb.

Dəniz nəqliyyatı ilə 3,5 min sərnişin daşınıb. Bu, 0,7 min nəfər və ya 16,7% azalma deməkdir. 2025-ci ildə 4,2 min nəfər daşınıb.

Hava nəqliyyatı ilə 607,0 min sərnişin daşınıb və bu, 25,6 min nəfər və ya 4,4% artım deməkdir. Ötən ilin müvafiq dövründə 581,4 min nəfər daşınıb.

Metro ilə 35 milyon 238,4 min sərnişin daşınıb, bu isə 531,7 min nəfər və ya 1,3% artım göstərir. Ötən il 34 milyon 770,1 min nəfər daşınıb.

Avtomobil nəqliyyatı ilə 294 milyon 301,3 min sərnişin daşınıb; illik müqayisədə 22 milyon 467,7 min nəfər və ya 8,3% artım qeydə alınıb.

Avtobuslarla sərnişin daşınması 281 milyon 858,3 min nəfər olub və bu, 21 milyon 841,4 min nəfər və ya 8,4% artım deməkdir. Ötən il 260 milyon 016,9 min nəfər daşınıb.

Taksi ilə sərnişin daşınması 12 milyon 443,0 min nəfər təşkil edib; illik müqayisədə 626,3 min nəfər və ya 5,3% artım qeydə alınıb. 2025-ci ildə 11 milyon 816,7 min nəfər daşınıb.