Müəllif: Tamara Mustafayeva, Banco.az
Avropa İttifaqı (Aİ) ölkələrində turizm obyektlərində gecələmələrin sayı 2024-cü ildə 3 milyardı keçərək rekord qırıb.
Banco.az xəbər verir ki, Avropa Statistika İdarəsi (Avrostat) 2024-cü ilə aid Avropa İttifaqı (Aİ) üzv ölkələrindəki ümumi turistik gecələmə göstəricilərini açıqlayıb. Verilənlərə əsasən, Aİ-nin turizm sektoru ötən il artım nümayiş etdirib.
Aİ üzrə turistik obyektlərdə qeydə alınan gecələmə sayı 2024-cü ildə əvvəlki illə müqayisədə 2,7 faiz artaraq 3 milyard 22 milyona çatıb. Bu göstərici sektor tarixində ən yüksək səviyyə kimi qeydə alınıb.
Aİ ölkələri arasında İspaniya 2024-cü ildə 505 milyon gecələmə ilə ilk yerdə qərarlaşıb. Onu 466 milyonla İtaliya, 458 milyonla Fransa, 440 milyonla Almaniya, 153 milyonla Yunanıstan və 145 milyonla Niderland izləyib.
Bizi sosial şəbəkələrdən izləyin!!
