Müəllif: Tamara Mustafayeva, Banco.az
Avropa İttifaqı (Aİ) Almaniyanın akkumulyator zavoduna 902 milyon avro dəstək verəcək.
Banco.az xəbər verir ki, Avropa Komissiyası Almaniyanın xalis sıfır karbon iqtisadiyyatına keçidini təşviq etmək üçün burada fəaliyyət göstərəcək İsveçin “Northvolt” şirkətinə dövlət yardımını təsdiqləyib.
Avropa Komissiyasının bəyanatında “Northvolt”un Almaniyada elektrik avtomobilləri üçün akkumulyator istehsalı müəssisəsi inşa edəcəyi və Almaniyanın şirkəti 902 milyon avro ilə təmin edəcəyi bildirilib.
Bəyanatda deyilir ki, yardım yaşıl transformasiyanı sürətləndirmək və yanacağa xaricdən asılılığı azaltmaq üçün müvafiq sektorlarda həyata keçirilməli tədbirləri dəstəkləmək məqsədilə düzəliş edilmiş böhran və transformasiya aralıq planı çərçivəsində təsdiq edilmişdir.
2026-cı ildə fəaliyyətə başlayacaq obyektin illik 60 gigavat saat gücündə olacağı qeyd olunan bəyanatda bildirilib ki, bu, akkumulyatorun həcmindən asılı olaraq ildə 800 mindən 1 milyona qədər elektromobilin ehtiyacını ödəyəcək.
Həmçinin qeyd olunub ki, dəstək çərçivəsində şirkətə ödəniləcək 92 milyon avronun 700 milyonu birbaşa qrant, 202 milyonu isə zəmanət şəklində olacaq.
Bizi sosial şəbəkələrdən izləyin!!
