Müəllif - Fərid İslamov - Banco.az
Alphabet Inc. kibertəhlükəsizlik sahəsində fəaliyyət göstərən Wiz startapını 32 milyard dollara almaq üçün razılıq əldə edib.
Şirkətlərin birgə mətbuat açıqlamasına görə, müqavilə tamamilə nağd vəsaitlə ödəniləcək və Alphabet-in tarixində ən böyük alış olacaq. Müqavilənin tamamlanmasından sonra Wiz, Google Cloud-un bulud bölməsinin bir hissəsinə çevriləcək.
Financial Times-ın məlumatına görə, Alphabet 2024-cü ildə Wiz-i almaq üçün danışıqlar aparıb, lakin bu danışıqlar uğursuzluqla nəticələnib. Bunun əsas səbəbi, startap rəhbərlərinin və investorlarının bu alışın antimonopoliya orqanlarının müqaviməti ilə üzləşə biləcəyindən narahat olması olub.
Bu hadisədən sonra Wiz, IPO-ya (İlkin İctimai Təklif) hazırlaşmağa fokuslanacağını bildirmişdi.
