Müəllif: Tamara Mustafayeva, Banco.az
Almaniyada istehlakçı inamı gözlənilmədən yüksəlib.
Banco.az xəbər verir ki, alman bazar araşdırma şirkəti GfK və Nürnberq Bazar Qərarları İnstitutunun (NIM) hazırladığı gələcək ay üçün İstehlakçı İnamı İndeksinin nəticələri açıqlanıb.
Məlumata görə, sentyabr ayı üçün proqnozlaşdırılan indeks göstəricisi əvvəlki aya nisbətən 2,8 xal artaraq mənfi 26,6 xala yüksəlib. Analitiklər indeksin sabit qalacağını gözləyirdi.
Gəlir gözləntisi son 6 ayın zirvəsində
İstehlakçı inamındakı bu nəzərəçarpan yüksəlişdə əmanət meylindəki yüngül azalmaya baxmayaraq, istehlakçıların gəlir gözləntisindəki güclü artım həlledici olub. Gəlir gözləntisi indeksi 16,2 xallıq artımla 1,7 dəyərinə çataraq son 6 ayın ən yüksək səviyyəsini görüb.
Bizi sosial şəbəkələrdən izləyin!!
