Müəllif: Tamara Mustafayeva, Banco.az
Almaniyada inflyasiya yenidən sürətlənib.
Banco.az xəbər verir ki, Almaniyanın statistika qurumunun ilkin məlumatlara dair açıqlamasına əsasən, iyul ayında istehlak qiymətləri illik müqayisədə 2,8 faiz artıb. İyun ayında inflyasiya 2,4 faiz təşkil etmişdi. "Bloomberg" tərəfindən iqtisadçılar arasında keçirilən sorğunun median proqnozu da 2,8 faiz səviyyəsində idi. Bundan əvvəl İspaniya inflyasiyanın gözləntiləri üstələyərək 3,8 faizə yüksəldiyini açıqlamışdı.
Fransa, İtaliya və Avrozonaya dair inflyasiya göstəriciləri isə cümə günü açıqlanacaq. İqtisadçılar Avrozonada inflyasiyanın 2,9 faizə yüksələcəyini proqnozlaşdırırlar.
Yayın ilk yarısında 21 ölkəni əhatə edən Avrozonada qiymət təzyiqlərinə dair açıqlanan göstəricilər Avropa Mərkəzi Bankının növbəti faiz qərarı üçün mühüm göstəricilərdən biri hesab olunur. Qurumun siyasət müəyyənləşdiriciləri ötən həftə faiz dərəcələrini dəyişməz saxlayıblar. Bank rəsmiləri İran və ətraf bölgədə gərginliyin artmasının mümkün təsirlərini daha ətraflı qiymətləndirmək üçün əlavə vaxta ehtiyac duyduqlarını bildirərək, növbəti faiz artımı üçün ən uyğun dövr kimi sentyabr ayını nəzərdə tutublar.
Bizi sosial şəbəkələrdən izləyin!!
