Azərbaycanın bank sektorunun aktiv iştirakçılarından olan AccessBank  müştəri məmnuniyyəti səviyyəsinin  yüksək səviyyədə qorunub saxlanılması və regionlarda iştirakını genişləndirmək məqsədi ilə bu dəfə Cəlilabadda yeni konseptli filialını müştərilərin ixtiyarına verib.

Cəlilabad şəhəri Heydər Əliyev prospektində yerləşən filial və müasir dizayn, funksionallıq və texnoloji yenilikləri özündə birləşdirən konsept əsasında fəaliyyət göstərir. Bu yenilənmə, bankın xidmət keyfiyyətini yüksəltmək və bölgə əhalisinin bank xidmətlərinə daha rahat və operativ şəkildə çıxışını təmin etmək məqsədi daşıyır.

Filialda müştərilərə mikro və aqro kreditlər də daxil olmaqla müxtəlif növ kredit məhsulları, istehlak kreditləri, əmanətlərin yerləşdirilməsi, plastik kartların verilməsi, pul köçürmələri, valyuta mübadiləsi və digər bank xidmətləri təklif olunur.

“2025-ci ildə regionlarda müştərilərimizə daha keyfiyyətli və rahat xidmət təqdim etmək məqsədilə ilk addımlarımızdan biri məhz Cəlilabad filialının yenilənməsi oldu. Filial şəbəkəsinin genişləndirilməsi təşəbbüsü, Accessbank-ın inkişaf strategiyasının önəmli hissəsidir. Hazırda 35 filialla fəaliyyət göstərən AccessBank, yaxın gələcəkdə şəbəkəsini daha da genişləndirməyi planlaşdırır ki, bu da Azərbaycanın bütün regionlarında əhalinin bank və maliyyə xidmətlərinə əlçatanlığının təmin edilməsinə yönəlmiş bir siyasətdir”, – deyə AccessBank-ın İdarə heyətinin Sədri Davit Tsiklauri bildirib.

AccessBank Azərbaycanın mikromaliyyələşdirmə bazarında lider olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 14-ü Bakıda, 21-i bölgələrdə olmaqla, 35 filialı fəaliyyət göstərir və MKOB-lar üçün əlçatan maliyyələşdirmə imkanlarını təqdim etməyə davam edir. Filiallar haqqında əlavə məlumat linkdə təqdim edilir: http://bit.ly/accessbank-filiallar .

 Bankın xidmətləri haqqında daha ətraflı məlumat əldə etmək üçün 151 Əlaqə Mərkəzinə zəng etmək, həmçinin www.accessbank.az saytına və ya bankın müxtəlif sosial şəbəkələrdə olan səhifələrinə (Facebook, Instagram, LinkedIn) müraciət edə bilərsiniz.  

 *AccessBank QSC Azərbaycan Respublikası Mərkəzi Bankı tərəfindən 25 oktyabr 2002-ci il tarixli 245 saylı lisenziya əsasında fəaliyyət göstərir. Bankın Baş ofisi Bakı şəhəri, Yasamal rayonu, Tbilisi prospekti 3 ünvanında yerləşir.